काठमाडौं । मञ्जुश्री फाइनान्स लिमिटेडले आफ्नो २८औं शाखा काठमाडौंको थापाथलीस्थित आफ्नै भवनमा सञ्चालनमा ल्याएको छ ।

फाइनान्सले केन्द्रीय कार्यालय आफ्नै भवनमा स्थानान्तरण गरेपछि बिहीबारदेखि सोही भवनबाट थापाथली शाखाको सेवा औपचारिक रूपमा सुरु गरेको हो ।

हालसम्म २७ वटा शाखा र एक एक्सटेन्सन काउन्टरमार्फत सेवा प्रदान गर्दै आइरहेको मञ्जुश्री फाइनान्सले ग्राहकहरूसँग अझ नजिक पुग्ने उद्देश्यले नयाँ शाखा सञ्चालनमा ल्याएको जनाएको छ । थापाथली शाखा सञ्चालनमा आएसँगै राजधानी क्षेत्रमा फाइनान्सको पहुँच थप सुदृढ हुने विश्वास कम्पनीले लिएको छ ।

पुस मसान्तसम्म मञ्जुश्री फाइनान्सले २४ अर्ब ३ करोड रुपैयाँ निक्षेप संकलन गरी २० अर्ब ६१ करोड रुपैयाँ कर्जा लगानी गरेको छ । सोही अवधिमा फाइनान्सको वितरणयोग्य मुनाफा २३ करोड ५६ लाख रुपैयाँ पुगेको छ भने प्रतिशेयर आम्दानी २०.०३ रुपैयाँ रहेको छ । पुस मसान्तसम्म फाइनान्सको कुल नाफा १३ करोड ५४ लाख रुपैयाँ रहेको कम्पनीले जनाएको छ ।