काठमाडौं । नेपाल स्टक एक्सचेञ्ज लिमिटेड(नेप्से) मा २ वटा वाणिज्य बैंक र १ बीमा कम्पनीको बोनस शेयर, ऋणपत्र(डिबेञ्चर) र हकप्रद शेयर सूचीकृत भएको छ । मंगलबार नेप्सेमा नेपाल क्रेडिट एण्ड कमर्श बैंक (एनसीसी बैंक) को १ करोड २२ लाख ७६१ कित्ता बोनस शेयर सूचीकृत भएको छ ।

त्यसैगरी, लक्ष्मी बैंकको २० लाख इकाई डिबेञ्चर पनि आजै स्वीकृत भएको छ । यस्तै युनाइटेड इन्स्योरेन्स कम्पनीको ७२ लाख ५७ हजार ६ सय कित्ता हकप्रद शेयर सूचीकृत भएको नेप्सेले जनाएको छ ।