अमेरिकी राष्ट्रपति डोनाल्ड ट्रम्पले युक्रेनको पुनर्निर्माणमा रुसले सहयोग गर्ने बताएका छन् । आइतबार युक्रेनी राष्ट्रपति भोलोडिमिर जेलेन्स्कीसँग फ्लोरिडामा भेटवार्तापछि पत्रकारको प्रश्नको जवाफ दिँदै ट्रम्पले ‘रुसले युक्रेनलाई सफल भएको देख्न चाहन्छ’ बताए ।

उनका अनुसार रुसी राष्ट्रपति भ्लादिमिर पुटिनले युक्रेनलाई ऊर्जा, बिजुली तथा अन्य सामग्रीहरू सस्तो मूल्यमा उपलब्ध गराउने इच्छा व्यक्त गरेका छन् । ट्रम्पले पुटिनलाई युक्रेनको सफलताप्रति ‘उदार’ रहेको बताए ।

तर ट्रम्पका अनुसार पुटिनले अहिलेसम्म युद्ध विराममा सहमति भने जनाएका छैनन् । उनले पुटिन लडाइँ रोकेर फेरि सुरु गर्न नपरोस् भन्ने सोचमा रहेको बताए ।