मड्रिड । स्पेनपछि नर्वे र आयरल्याण्डले प्यालेस्टाइनलाई राष्ट्रको रूपमा मान्यता दिएका छन् । स्पेन, नर्वे र आयरल्याण्ड प्यालेस्टाइनलाई राज्यको रूपमा मान्यता दिने १४० भन्दा बढी देशहरूमा सामेल भएका छन्।

आयरल्याण्डले एक विज्ञप्ति जारी गर्दै भनेको छ, ‘सरकारले प्यालेस्टाइनलाई सार्वभौम र स्वतन्त्र राज्यको रूपमा मान्यता दिन्छ।

हामी डब्लिन र रामल्लाहबिच कूटनीतिक सम्बन्ध स्थापना गर्न सहमत भएका छौँ। प्यालेस्टाइनमा आयरल्याण्डको राजदूत नियुक्त गरिनेछ र रामल्लाहमा आयरल्याण्डको दूतावास स्थापना गरिनेछ।’

यता नर्वेले प्यालेस्टाइनलाई एक राष्ट्रको रूपमा मान्यता दिँदै यसलाई ुविशेष दिनु भनेको छ। विगत ३० वर्षदेखि प्यालेस्टाइन राज्यको सुरक्षाका लागि प्रतिबद्ध रहेको नर्वेले बताएको छ । नर्वेको सरकारले एक विज्ञप्ति जारी गर्दै भनेको छ, ‘प्यालेस्टाइनका लागि राज्य नर्वेको(प्यालेस्टाइन सम्बन्धको लागि विशेष महत्त्व छ।’

स्पेनले पनि मंगलबार प्यालेस्टाइनलाई आधिकारिक रूपमा राष्ट्रको दर्जा दिएको छ । स्पेनका प्रधानमन्त्री पेड्रो सान्चेजले भने, ‘यो निर्णयको एकमात्र उद्देश्य इजरायल र प्यालेस्टाइनबिचको शान्ति प्रयासमा योगदान पुर्‍याउनु हो।

प्यालेस्टाइनलाई राष्ट्रको रूपमा मान्यता दिनु इतिहासको न्यायको कुरा मात्र होइन, यो समयको आवश्यकता पनि हो। यो शान्तिपूर्ण समाधान खोज्ने एक मात्र उपाय हो।’