आर्थिक सञ्जाल २०७७ वैशाख २३ गते मंगलबार

काठमाडौं । सानिमा लाइफ इन्सुरेन्सले चालु आर्थिक वर्षको तेस्रो त्रैमासमा ७ करोड ६९ लाख ९८ हजार रुपैयाँ खुद नाफा कमाएको छ । यो नाफा रकम अघिल्लो वर्षको भन्दा ०.२०% ले धेरै हो । अघिल्लो वर्ष यसले ७ करोड ६८ लाख ४२ हजार रुपैयाँ खुद नाफा कमाएको थियो । यस्तै, यो त्रैमाससम्ममा सानिमाले ५७ करोड ५८ रुपैयाँ खुद बिमा शुल्क आर्जन गरेको छ । अघिल्लो वर्ष २४ करोड ९५ लाख रुपैयाँ मात्र खुद बिमा शुल्क आर्जन गरेको थियो ।

चुक्ता पुँजी १ अर्ब ४० करोड रुपैयाँ रहेको सानिमा लाइफको रिजर्भ कोषमा ११ करोड ८७ लाख रुपैयाँ छ । रिजर्भ कोषलाई सुधार गर्दै अघि बढाउनुपर्ने देखिन्छ । कम्पनीले हाल कायम चुक्ता पुँजीबाट ६० करोड रुपैयाँ बराबरको आइपीओ निष्कासन गर्ने तयारी गरेको छ । आइपीओ जारीपछि भने पुँजी २ अर्ब रुपैयाँ पुग्नेछ । यसले जीवन बिमा कोषको आकार पनि १५ करोड ९३ लाख रुपैयाँबाट बढाएर ७७ करोड २३ लाख पुर्याएको छ ।