काठमाडौं। जनरल इन्स्योरेन्स कम्पनीले गत आर्थिक वर्ष २०७८/७९ को चौथो त्रैमासको वित्तीय विवरण प्रकाशन गरेको छ ।

कम्पनीले प्रकाशन गरेको वित्तीय विवरण अनुसार कम्पनीले यस अवधिसम्ममा ११ करोड २० लाख रुपैयाँ नाफा कमाएको छ । अघिल्लो आर्थिक वर्षको सोही अवधिमा कम्पनीले ९ करोड रुपैयाँ नाफा कमाएको थियो । अघिल्लो आर्थिक वर्षको सोही अवधिको तुलनामा कम्पनीको नाफा २४ प्रतितशले बढी हो ।

१ अर्ब रुपैयाँ चुक्ता पूँजी भएको कम्पनीको जगेडा कोषमा २१ करोड ७९ लाख रुपैयाँ संचिती रहेको छ । अघिल्लो आर्थिक वर्षको तुलनामा कम्पनीको जगेडा कोषको आकार बढेको हो ।

अघिल्लो आर्थिक वर्षको सोही अवधिमा कम्पनीको जगेडा कोषमा ८ करोड ७५ लाख रुपैयाँ थियो । यस अवधिमा कम्पनीको बीमा कोषमा २४ करोड ६५ लाख रुपैयाँ रहेको छ ।

समिक्षा अवधिमा कम्पनीले १६ करोड ६१ लाख रुपैयाँ खुद बीमा शुल्क आर्जन गरेको छ । अघिल्लो आर्थिक वर्षको सोही अवधिमा कम्पनीले २० करोड ७० लाख रुपैयाँ खुद बीमा शुल्क आर्जन गरेको थियो ।

अघिल्लो आर्थिक वर्षको सोही अवधिको तुलनामा कम्पनीको खुद बीमा शुल्क आर्जन १९ प्रतिशतले कमी हो ।

कम्पनीले यस अवधिमा १४ करोड ५० लाख रुपैयाँ खुद दाबी भुक्तानी गरेको छ । अघिल्लो आर्थिक वर्षको  सोही  अवधिमा कम्पनीले ७ करोड ४९ लाख रुपैयाँ खुद दाबी भुक्तानी गरेको थियो ।

यस अवधिमा कम्पनीको प्रतिशेयर आम्दानी ११ रुपैयाँ २१ पैसा रहेको छ । प्रतिशेयर नेटवर्थ १४८ रुपैयाँ ६३ पैसा रहेको छ । यस अवधिमा कम्पनीले २९ करोड ६८ लाख रुपैयाँ कुल दाबी भुक्तानी गरेको छ भने ७१ करोड ४४ लाख रुपैयाँ भुक्तानी गर्न बाँकी दाबी रकम रहेको छ ।