काठमाडौं । लाइफ इन्स्योरेन्स कर्पोरेशन (नेपाल) लिमिटेडले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । प्रकाशित तथ्यांक अनुसार कम्पनीको नाफा ८८ दशमलव ५४ प्रतिशतले वृद्धि हुँदै ५ करोड ९७ लाख पुगेको छ। गत आर्थिक वर्ष सोही अवधिमा नाफा ३ करोड १६ लाख रुपैयाँ थियो ।

३ महिनाको अवधिमा कम्पनीले ४ अर्ब ५१ करोड कुल बीमा शुल्क आर्जन गरेको छ । कुल बीमा शुल्क आर्जनबाट कम्पनीले १ करोड ९५ लाख रुपैयाँ पुनर्बीमामा खर्चिएको छ भने ४ अर्ब ४९ करोड खुद बीमा शुल्क आर्जन गरेको छ ।

कुल बीमा शुल्क आर्जन शुन्य दशमलव १७ प्रतिशतले घट्दा खुद बीमा शुल्क आर्जन शुन्य दशमलव १० प्रतिशतले घटेको छ ।

त्यस्तै तीन महिनाको अवधिमा कम्पनीले अभिकर्ता कमिशन अन्तर्गत ३० करोड ६२ लाख खर्च गरेको छ । गत आर्थिक वर्षको पहिलो त्रैमासमा कम्पनीले ३५ करोड ६६ लाख खर्च गरेको थियो ।

२ अर्ब ६५ करोड चुक्ता पुँजी भएको कम्पनीको संचित मुनाफामा २ अर्ब संचित गरेको छ । त्यस्तै अन्य इक्वीटी ६२ करोड २९ लाख पुगेको छ ।

जीवन बीमा कोष असार मसान्तको तुलनामा १२ दशमलव ९१ प्रतिशतले वृद्धि हुँदै १ खर्ब १० अर्ब पुगेको छ। असार मसान्तमा जीवन बीमा कोष ९७ अर्ब ८८ करोड थियो ।

३० कात्तिक २०८०, बिहीवार ०७:१४ बजे प्रकाशित