काठमाडौं । पछिल्लो भुक्तानीको माध्यमका रुपमा क्यूआरको प्रयोग निकै बढेको पाइएको छ। नेपाल राष्ट्र बैंकले आज सार्वजनिक गरेको तथ्यांकअनुसार पछिल्लो १ वर्षको अवधिमा क्यूआरको प्रयोग हुने भुक्तानी करिब १३९ प्रतिशतले बढेको छ।

चालु आर्थिक वर्षको असोजसम्म क्यूआरबाट ३६ अर्ब २१ करोड रुपैयाँ भुक्तानी भएको छ। गत आर्थिक वर्षको यही अवधिसम्म क्यूआरबाट १५ अर्ब ७८ करोड रुपैयाँको भुक्तानी भएको थियो।

गत आर्थिक वर्षको तुलनामा चालु आर्थिक वर्षको असोजसम्म क्यूआरबाट हुने भुक्तानी १२९.४७ प्रतिशतले बढेको छ।

समीक्षा अवधिसम्म क्यूआर प्रयोग गरी १ करोड १८ लाख ८३ हजार १०० वटा कारोबार भएको छ। अघिल्लो वर्ष यही अवधिमा क्यूआरबाट ३५ लाख ६५ हजार ४५५ वटा कारोबार भएको थियो।