काठमाडौं । ग्रिल तथा स्टिल व्यवसायी महासङ्घ नेपालले ग्रिलजन्य फलाम र निर्माण सामग्रीको उच्च मूल्य वृद्धिले सम्पूर्ण ग्रिल उद्योग  बन्द हुने अवस्थामा पुगेको भन्दै सरकारको ध्यानाकर्षण गराएको छ ।

महासङ्घले विज्ञप्ति निकालेर अन्तर्राष्ट्रिय बजारमा फलामको कच्चापदार्थ ‘ब्लेड’को मूल्यमा वृद्धि नभए पनि नेपाली बजारमा मूल्य बढाइएको आपत्ति जनाएको हो ।

देशभर सञ्चालित ११ हजारभन्दा बढी ग्रिल उद्योगमा कार्यरत झण्डै एक लाख ६० हजार श्रमिकको रोजगारी गुम्ने अवस्था आएको महासङ्घले जनाएको छ ।