adbl long ad
nabil bank
stcnepal long ad
national life

एकीकृत जाँच चौकीमा आउन थाल्यो डस्टी कार्गो

civilbank long ad
citizens life insurance long ad
Prabhu Insurance Long Ad
himalayan Everest Insurance long ad

काठमाडौँ । वीरगञ्ज एकीकृत जाँच चौकी (आईसीपी) मा डस्टी कार्गो आउन थालेको छ । पुस २४ गतेदेखि आईसीपीमा डस्टी कार्गो (मल, कोइला, क्लिङ्कर, जिम्पस आदि) भित्रिन सुरु गरेको हो । यसअघि भारतको रक्सौलसम्म रेलमा ल्याएको सामान त्यहाँबाट ट्रकमा हालेर आईसीपीसम्म ल्याउने गरिएकामा अब सिधै रेलबाट आईसीपीसम्म ल्याउन थालिएको हो । यसले गर्दा छिटो र लागतसमेत कम लाग्ने अनुमान गरिएको छ ।

वीरगञ्ज एकीकृत जाँच चौकीका प्रमुख कमल ज्ञवालीले भारतको रक्सौलदेखि सिधै आईसीपीसम्म डस्टी कार्गो आउन सुरु गरेको जानकारी दिनुभयो । गत आइतबारदेखि कोइला, मललगायतका सामान (डस्टी कार्गो) आउन सुरु गरेको उहाँले बताउनुभयो । यसले आईसीपी पूर्ण रूपमा प्रयोगमा आई व्यवस्थित हुने उहाँले बताउनुभयो ।

गत आइतबारदेखि शुक्रबारसम्म आईसीपीसम्म रेलमा ल्याएको र त्यहाँबाट कोइला बोकेका १७६ गाडी र मल बोकेका १४१ गाडी बाहिरिएको उहाँले जानकारी दिनुभयो ।

भारतको रक्सौलदेखि नेपालको पुरानो भन्सार हुुँदै नेपाल भित्रिने डस्टी कार्गोका लागि वीरगञ्ज सुक्खा बन्दरगाहभित्र ट्रेनको ट्र्याक स्थानान्तरण गरी सो कार्गो हेन्डलिङका लागि संरचना तयार भएको कार्यालयले जनाएको छ ।

नेपाल आउने डस्टी कार्गो रक्सौलमा हेन्डलिङ भएर नेपाल आउने गरेकामा अब रेलबाट सिधै वीरगञ्ज सुक्खा बन्दरगाहमा आएर हेन्डलिङ हुने भएकोे कार्यालयले जनाएको छ ।

यसका लागि ट्रेनको ट्र्याक स्थानान्तरण गरिएको कार्यालयले जनाएको छ । हालसम्म डस्टी कार्गो भारतको रक्सौलमा हेन्डलिङ भई ट्रक मार्फत आउने नेपाल आउने गरेको थियो ।

यसबाट नेपालमा रोजगारी बढ्नुका साथै व्यवसायीलाई लागत कम पर्ने कार्यालयले जनाएको छ । भारतसँगै अन्य देशबाट डस्टी कार्गो आउने गरेको छ ।

वीरगञ्ज महानगरपालिकाबाट सहमति लिई व्यवसायीलाई समेत जानकारी गराएको कार्यालयले जनाएको छ । खरानी, कोइला, मल, क्लिङ्कर, जिप्सन, नुन, फलामलगायतका सामान डस्टी कार्गोका रूपमा आउने गरेको छ । भारतबाट सिधै रेलमा आएको सामान आईसीपीमा झारेर ट्रकबाट अन्य ठाउँमा पठाइनेछ ।

आईसीपीभित्र सानो ठाउँ भएकाले सबै प्रकारका सामान एकै ठाउँमा राख्न उपयुक्त नहुने बताइएको छ । कार्गोमार्फत भारतलगायत तेस्रो मुलुकबाट विभिन्न प्रकारका सामान नेपालमा भित्रिने गरेको छ ।ट्रे

३० पुस २०७९, शनिवार ०७:४४ बजे प्रकाशित

Election
stcnepal long ad