काठमाडौं । सुपर मादी हाइड्रोपावर लिमिटेडले चालु आर्थिक वर्षको दोस्रो त्रैमाससम्म १२ करोड १७ लाख रुपैयाँ खुद नाफा कमाएको छ । यो गत वर्षको यसैअवधिको तुलनामा १७.३७ प्रतिशत कम हो । गत वर्ष यस कम्पनीले १४ करोड ७२ लाख रुपैयाँ नाफा कमाएको थियो ।

यो कम्पनीको विद्युत बिक्रीबाट हुने आम्दानी ७१ करोड ६५ लाखबाट घटेर ६० करोड ६० लाखमा झरेको छ । उक्त आम्दानी घट्दा नाफामा दबाब परेको हो ।

वित्तीय खर्च ३८ करोड ४४ लाखबाट घटेर २८ करोड ९६ लाख रुपैयाँ कायम भएको छ । २ अर्ब २० करोड ५० लाख रुपैयाँ चुक्ता पुँजी रहेको यस कम्पनीको जगेडा कोषमा १५ करोड ४ लाख जम्मा छ । प्रतिसेयर आम्दानी ११.०४ रुपैयाँ छ भने प्रतिसेयर नेटवर्थ १०६.८२ रुपैयाँ छ ।