काठमाडौं । माउन्टेन इनर्जी नेपाल लिमिटेडले चालु आर्थिक वर्षको दोस्रो त्रैमासमा ५१ करोड २० लाख रुपैयाँ नाफा कमाएको छ । यो गत वर्षको सोही अवधिको तुलनामा ४६.२७ प्रतिशत धेरै हो । कम्पनीले गत वर्ष ३५ करोड रुपैयाँ नाफा आर्जन गरेको थियो ।

माउन्टेन इनर्जीको विद्युत बिक्रीबाट हुने आम्दानी ७३ करोड ७९ लाखबाट बढेर ७९ करोड ८१ लाख रुपैयाँ पुगेको छ । उक्त आम्दानी बढ्दा नाफामा सुधार आएको हो ।

यता, वित्तीय खर्च १३ करोड ५९ लाखबाट घटेर १२ करोड ६४ लाख रुपैयाँ पुगेको छ । २ अर्ब ६० करोड रुपैयाँ चुक्ता पुँजी रहेको यस कम्पनीको रिटेन्ड अर्निङमा १ अर्ब २४ करोड रुपैयाँ रहेको छ । कम्पनीको  प्रतिसेयर  आम्दानी १९.६७ रुपैयाँ छ । यसको प्रतिसेयर नेटवर्थ १४७.६६ रुपैयाँ रहेको छ ।