यसअवधिमा कम्पनीले विद्युत बिक्रीबाट ३ करोड ९९ लाख ५५ हजार रुपैयाँ नाफा कमाएको छ । यो गत वर्षको भन्दा २४४.५१% ले बढी हो । गत वर्ष यसले विद्युत् बिक्रीबाट १ करोड १५ लाख ९७ हजार रुपैयाँ नाफा कमाएको थियो । यता, गत वर्ष ९८ लाख ७ हजार रुपैयाँ रहेको सञ्चालन नाफा यस वर्ष बढेर ३ करोड ३९ लाख ८१ हजार रुपैयाँ पुगेको छ । यसले पनि नाफा माथि जान टेवा पुगेको हो ।

चैत मसान्तसम्ममा यस कम्पनीको चुक्ता पुँजी ५३ करोड ११ लाख १८ हजार रुपैयाँ रहेको छ । जगेडा कोषमा ६ करोड ४ लाख ६१ हजार रुपैयाँ छ । तेस्रो त्रैमाससम्म आइपुग्दा कम्पनीको प्रतिसेयर आम्दानी ५ रुपैयाँ ८२ पैसा र प्रतिसेयर नेटवर्थ १११ रुपैयाँ ३८ पैसा रहेको छ ।