काठमाडौं । नेपालमा थप १९ जनामा कोरोना भाइरस संक्रमण देखिएको छ । यससँगै नेपालमा कुल संक्रमितको संख्या ६०३ जना पुगेको छ । स्वास्थ्य तथा जनसंख्या मन्त्रालयले आइतबार नियमित प्रेस ब्रिफिङ मार्फत  थप १९ जनामा कोरोना संक्रमण पुष्टि भएको बताएको हो ।

 संक्रमित हुनेमा मोरङका १ जना, बारामा १ जना, पर्सामा ३ जना, रौटहटका १ जना, सर्लाहीमा १ जना, रुपन्देहीमा ३ जना र काठमाडौंमा १ जना रहेका छन् । यस्तै, नुवाकोटमा १, रुपन्देहीमा ३, कपिलवस्तुमा ३ र गुल्मीमा १ जनामा पनि संक्रमण देखिएको छ ।