kumari bank
Prabhu Insurance
stcnepal long ad

गोर्खाज फाइनान्सको निक्षेपमा ब्याजदर ११ प्रतिशत

काठमाडौं । पूर्व सहमतिअनुसार बित्त कम्पनीहरुले व्यक्तिगत मुद्दतिको ब्याजदर बढाएर ११ प्रतिशतसम्म पुर्याउने गरी नयाँ ब्याजदर सार्वजनिक गर्न थालेका छन् । यो क्रममा गोर्खाज फाइनान्स लि।ले मुद्दति निक्षेपको ब्याजदर सार्वजनिक गरेको छ ।

यो बित्त कम्पनीले कात्तिक १ गतेदेखि लागू हुने गरी सार्वजनिक गरेको नयाँ ब्याजदर अनुसार एक वर्षे अवधिको व्यक्तिगत मुद्दति निक्षेपको ब्याजदर १०.५० प्रतिशत पुगेको छ ।

यसमा शाखा प्रबन्धकले ०.५ प्रतिशत थप गर्नसक्ने भएकोले यो कम्पनीमा एक वर्षे अवधिको व्यक्तिगत मुद्दति निक्षेप राख्नेले वार्षिक ११ प्रतिशत ब्याज पाउने भएका छन् ।

यसअघि बित्त कम्पनीहरुबीच ८.५ प्रतिशतभन्दा बढी ब्याजदर नबढाउने सहमति भएको थियो । असोज १ गतेदेखि कायम यस्तै सहमतिका कारण अधिकांश बित्त कम्पनीले व्यक्तिगत मुद्दति निक्षेपको ब्याजदर ८.५ प्रतिशतमै सीमित गरेका थिए ।

तर, ब्याजदर वृद्धिमा उनीहरुभन्दा विकास बैंक र वाणिज्य बैंक आक्रामक भएपछि बित्त कम्पनीहरुलाई भएकै निक्षेप जोगाउन हम्मे हम्मे परेको थियो । बित्त कम्पनीहरुबाट निक्षेप धमाधम फिर्ता भएको थियो ।

यही समस्या फेरि पनि नहोस् भनेर बित्त कम्पनीका प्रमुख कार्यकारी अधिकृतहरुबीच २ दिनअघि नै व्यक्तिगत मुद्दति निक्षेपको ब्याजदर ११ प्रतिशतसम्म पुर्याउने सहमति भएको थियो ।

मुद्धति निक्षेपको ब्याजदर २ प्रतिशत बढाएको गोर्खाज फाइनान्सले बचत खाताको अधिकतम ब्याजदर ६.५ प्रतिशत कायम गरेको जनाएको छ ।

यो कम्पनीको आधार दर ९.१६ प्रतिशत रहेकोले त्यसमा ५ प्रतिशतसम्म प्रिमियम लिइने भन्दै नयाँ सेयर धितो कर्जाको ब्याजदर समेत सार्वजनिक भएको छ । यसको अर्थ गोर्खाज फाइनान्सबाट सेयर कर्जा लिनेले अधिकतम १४.१६ प्रतिशतसम्म ब्याज तिर्नुपर्ने भएको छ ।

No description available.


२७ असोज २०७८, बुधवार ०९:०१ बजे प्रकाशित

nabil bank