आर्थिक सञ्जाल मंगलबार, २७ फागुन २०७६

काठमाडौं । गुडविल फाइनान्स लिमिटेडको ऋणपत्र बुधबारदेखि खुल्ने भएको छ । फाइनान्सले फागुन २८ गते (बुधवार) देखि रू. २५ करोड बराबरको ऋणपत्र निष्कासन गर्ने भएको हो । यस कम्पनीले १२ प्रतिशत ब्याजदरमा रू. १ हजार अंकित दरको २ लाख ५० हजार कित्ता ऋणपत्र निष्कासन गर्न लागेको हो ।

जसमध्ये रू. १५ करोड बराबरको १ लाख ५० हजार कित्ता ऋणपत्र व्यक्तिगत तवरबाट विभिन्न संघ संस्थाहरुलाई विक्री गर्नेछ भने बाँकी रू. १ करोड बराबरको १ लाख कित्ता सर्वसाधारणका लागि सार्वजनिक निष्कासन मार्फत विक्री गर्नेछ ।

सर्वसाधारणका लागि निष्कासन गरिने कुल ऋणपत्रमध्ये ५ हजार कित्ता ऋणपत्र सामूहिक लगानी कोषका लागि बाँडफाँट गरिएको कम्पनीले जानकारी दिएको छ ।

२०८३ मा परिपक्व हुने यो ऋणपत्र खरीदका लागि न्यूनतम २५ कित्तादेखि अधिकतममा ५ हजार कित्तासम्मका लागि आवेदन दिन सकिनेछ । यस ऋणपत्रमा छिटोमा चैत २ गते तथा ढिलोमा चैत १२ गतेसम्म आबेदन दिन सकिनेछ ।

विक्री प्रबन्धक एनआईबिएल एस क्यापिटल लिमिटेड रहेको छ । आवेदकले खरिद आवेदन दिदाँ सि–आस्बा सेवामा सहभागि बैंक तथा वित्तीय संस्थाहरुबाट दिन सक्नेछन् ।

यस ऋणपत्रलाई इक्रा नेपालले मध्यम कर्जा जोखिम जनाउने ‘इक्राएनपी एल डबल बि ’ रेटिङ प्रदान गरेको छ । कम्पनीले धितोपत्र बोर्डसँग फागुन ६ गते स्वीकृति पाएसँगै ऋणपत्र निष्कासन गर्न लागेको हो ।