आर्थिक सञ्जाल मंगलबार, २० फागुन २०७६

काठमाडौं । किसान माइक्रोफाइनान्सले विशेष साधारण सभा बोलाएको छ । मर्जर सम्बन्धी प्रस्तामा छलफल गर्न कम्पनीले चैत ६ गत विशेष सभा बोलाएको हो ।

कैलालीमा हुने सभाले एनआरएन लघुवित्तले किसान माइक्रोफाइनान्स र दिव्य लघुवित्त वित्तीय संस्थालाई गाभ्ने सम्बन्धमा गरेको समझदारी पत्रलाई अनुमोदन गर्ने , शेयर आदान प्रदान अनुपात निर्धारण गर्ने र गाभ्ने गाभिने प्रकृया पुरा भएपश्चात रहने संस्थाको नाम , ठेगाना, कार्यक्षेत्र र संचालक सम्बन्धमा निर्णय गर्नेछ ।

साथै, समझदारी पत्रमा उल्लेख भए बमोजिम जेष्ठ संस्थाको रुपमा रहेको किसान माइक्रोफाइनान्सको स्थापना वर्ष कायम गर्ने कार्यक्रम समेत सभाका लागि तय भएको छ ।

२० फागुन २०७६, मंगलवार १९:०० बजे प्रकाशित