काठमाडौं । माघ २७ गते सिन्धु विकास बैंकले  तेह्रौ वार्षिक साधारण सभा बोलाएको छ । सभा होटल सारथी धुलिखेल ,काभ्रेपलाञ्चोकमा बिहान ९ बजेदेखि सुरु हुनेछ ।

बैंकले आर्थिक वर्ष २०७८–७९ को नाफाबाट सेयरधनीलाई कुनै पनि लाभांश वितरण नगर्ने भएको छ । बैंक सञ्चालक समितिको पुस ७ गते बसेको बैठकले लाभांश वितरण नगर्ने निर्णय गरेको थियो ।

तसर्थ, यसपटक लगानीकर्ताको हात खाली हुनेछ । सभामा आर्थिक वर्ष २०७८/७९ को वार्षिक प्रतिवेदन पारित गर्ने प्रस्ताव छ ।

यस्तै, अन्य बैंक तथा वित्तीय संस्थासँग मर्जर वा एक्विजिसनमा जानु परेमा सम्पूर्ण कामको अख्तियारी सञ्चालक समितिलाई दिने प्रस्ताव पनि पेश हुनेछ ।

आर्थिक वर्ष २०७९/८० का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा पनि रहेको छ ।

सभा प्रयोजनको लागि बैंकले माघ १६ गते बुक क्लोज गर्नेछ । यसर्थ, माघ १५ गते सम्म कायम सेयर धनिले मात्र सभामा भाग लिन पाउनेछन् ।