adbl long ad
nabil bank
stcnepal long ad
national life

अनुत्पादक लगानीले समस्या

civilbank long ad
citizens life insurance long ad
Prabhu Insurance Long Ad
himalayan Everest Insurance long ad

काठमाडौँ । सहकारी विभागका रजिस्ट्रार रुद्रप्रसाद पण्डितले सहकारीहरूले घरजग्गा, गाडी तथा अनुत्पादक क्षेत्रमा लगानी बढाउँदा समस्या आएको बताउनुभएको छ ।

नेपाल सहकारी पत्रकार समाज (सीजेएन) को राजधानीमा आयोजित १२औँ वार्षिक साधारण सभाको अवसरमा उहाँले सहकारीको पैसा अनुत्पादक क्षेत्रमा गएको र उक्त लगानी फिर्ता नहुँदा अहिलेको समस्या आएको बताउनुभयो । खराब कर्जा लगानी उठाउन सहकारी अभियान समेत नलागेको उहाँको भनाइ थियो ।

सहकारीको खास समस्या भने पहिचान भइसेको पण्डितले बताउनुभयो । “हामी आफैँ त्यसको भुक्तभोगी छौँ र पनि समस्या समाधानतर्फ किन लाग्दैनौँ रु” उहाँले भन्नुभयो ।

अभियानले नै सदस्यको बचत रकम एक पटकमा ५ प्रतिशतभन्दा बढी फिर्ता नगर्नु भनेपछि समस्या बढेको उहाँको भनाइ छ ।

विभागले सहकारीको वास्तविक तथ्याङ्क राख्न नसकेको स्वीकार्दै उहाँले माघपछि वास्तविक तथ्याङ्क आउने गरी विभागले काम गरिरहेको जानकारी दिनुभयो ।

कार्यक्रममा सहकारी बैङ्कका अध्यक्ष केबीप्रसाद उप्रेतीले राज्य र बैङ्क तथा वित्तीय संस्थाका कारण सहकारीमा अहिलेको अवस्था आएको बताउनुभयो ।

१६ पुस २०७९, शनिवार ०७:५५ बजे प्रकाशित

Election
stcnepal long ad