आर्थिक सञ्जाल २०७७ वैशाख २६ गते शुक्रबार

काठमाडाैं । केन्द्रीय बैंकले लक डाउनमा बैंक तथा वित्तीय संस्था खोल्न तथा सवारी साधन पासका सम्बन्धमा नयाँ निर्देशन दिएको छ । सरकारले वैशाख २६ गतेदेखि एक तिहाई कर्मचारी राखेर बैंक तथा वित्तीय संस्था सञ्चालन गर्न दिएसँगै केन्द्रीय बैंकले सूचना जारी गरेको हो ।

बैंकिङ सेवा सुचारु गर्न बैंकका प्रधान कार्यालयले कुल सवारी साधनमध्ये बढीमा २५% सम्म चलाउन अनुमति दिनु पर्नेछ । जसमा सवारी नम्बर, सवारी उपयोग गर्नेको नाम, जानु–आउनु पर्ने स्थान तथा समय तोकी पत्र उपलब्ध गराउनुपर्ने छ ।

सकेसम्म कम कर्मचारीलाई काममा प्रयोग गर्न पनि राष्ट्र बैंकले भनेको छ । यसका लागि सिफ्ट बनाएर काम गर्न र मिलेसम्मको काम घरबाट गर्न भनिएको छ । कार्यालय जाने कर्मचारीका लागि आवश्यक सुरक्षाको न्यूनतम उपायहरु प्रयोग गर्नुपर्नेछ । अनलाइन कारोबारलाई प्राथमिकता दिन पनि भनिएको छ ।