काठमाडौं । मंसिर २८ गते स्टान्डर्ड चार्टर्ड बैंकले साधारण सभा डाकेको छ । बैंकको ३५औं वार्षिक साधारण सभा केन्द्रीय कार्यालय नयाँ बानेश्वर काठमाडौंमा बिहान १० बजेदेखि सुरु हुनेछ ।

कोभिड १९ को महामारीका कारण साधारण सभा भर्चुअल माध्यमबाट हुने बैंकले जनाएको छ । सभामा गत वर्षको नाफाबाट लगानीकार्तालाई दिन प्रस्ताव गरिएको १३.०६ प्रतिशत लाभांश वितरण गर्ने प्रस्ताव पारित हुनेछ ।

बैंकको सञ्चालक समिति बैठकले १० प्रतिशत बोनस सेयर र ३.०६ प्रतिशत नगद गरी कुल १३,०६ प्रतिशत लाभांश दिने निर्णय गरेको छ ।

साथै, सभामा गत आर्थिक वर्षको वार्षिक प्रतिवेदन, नाफा–नोक्सान हिसाब तथा नगद प्रवाहमा पनि छलफल हुनेछ । प्रवन्धपत्र तथा नियमावली संशोधन गर्ने प्रस्ताव रहेको छ ।

सभा प्रयोजनका लागि मंसिर १० गते बुक क्लोज गर्ने बैंकले जनाएको छ । तसर्थ, मंसिर ९ गतेसम्म कायम रहने सेयरधनी मात्र सभामा भाग लिन र लाभांश पाउन सक्नेछन् ।