Prabhu Insurance
stcnepal long ad
prabhu bank long ad

आज एनएमबि बैंकको ऋणपत्रमा आवेदन दिने अन्तिम दिन

civilbank long ad

काठमाडौं । एनएमबि बैंक लिमिटेडको ऋणपत्रमा आवेदन दिने आज अन्तिम दिन रहेको छ । बैंकले जेठ २ गतेदेखि २ अर्ब रुपैयाँ बराबरको २० लाख कित्ता ऋणपत्र विक्री खुला गरेको थियो । बैंकले १० वर्षे अवधिको वार्षिक ८ दशमलव ५ प्रतिशत ब्याजदरमा ‘एनएमबि ऋणपत्र ८.५–२०८७/०८८’ नामको ऋणपत्र निष्काशन गर्न लागेको हो ।

प्रति ऋणपत्र १ हजार दरको कुल २० लाख कित्ता ऋणपत्र ऋणपत्रमध्ये १२ लाख कित्ता व्यक्तिगत तवरबाट विभिन्न संघसंस्थाहरुलाई र ८ लाख कित्ता सर्वसाधारणमा विक्री गर्ने जनाएको छ ।

सर्वसाधारणका लागि छुट्याएको ८ लाखमध्ये ५ प्रतिशत दरको ४० लाख कित्ता सामूहिक लगानी कोषका लागि सुरक्षित गरी बाँकी ७ लाख ६० हजार कित्ता सार्वजनिक निष्काशनमा आउन लागेको हो । सार्वजनिक निष्काशनमा आउन लागेको ऋणपत्रका लागि मात्र आवेदन दिन सकिनेछ ।

यस ऋणपत्र खरीदका लागि आज  बैंकिङ समयसम्म आवेदन दिन सकिने कम्पनीले जनाएको छ । आवेदन दिंदा न्यूनतम २५ कित्तादेखि अधिकतम ८ लाखकित्तासम्म माग गर्न सकिने व्यवस्था छ । कम्पनीको यो ऋणपत्रलाई इक्रा नेपालले इक्रा एनपी इस्युअर रेटिङ ए माईनस प्रदान गरेको छ ।

उक्त ऋणपत्र विक्री प्रबन्धकमा सिद्धार्थ क्यापिटल रहेको छ । विक्री प्रबन्धकसँगै आस्बा सेवामा सहभागी सम्पूर्ण बैैंक तथा वित्तीय संस्थाहरुबाट ऋणपत्र खरीदका लागि आवेदन दिन सकिनेछ । साथै मेरो शेयरमार्फत पनि आवेदन दिन सकिनेछ ।


६ जेठ २०७८, बिहीवार ०७:३९ बजे प्रकाशित

kathmandu gov long ad
nabilbank long ad