आर्थिक सञ्जाल मंगलबार, २० फागुन २०७६

काठमाडौं ।  प्राइम कमर्सियल बैंकले ३ अर्ब ५० करोड रुपैयाँ बराबरको ऋणपत्र बिक्रीमा ल्याउन रेटिङ गराएको छ । यो ऋणपत्रलाई रेटिङ एजेन्सी केयर नेपालले पर्याप्त सुरक्षा जनाउने “केयर एनपी ए माइनस” प्रदान गरेको छ । बैंकले ८ बर्ष अवधिको लागि १ हजार रुपैयाँ अंकित दरमा ३५ लाख कित्ता ऋणपत्र निष्कासन गर्न लागेको हो । जसमा २१ लाख कित्ता व्यक्तिगत र बाँकी १४ लाख (सामूहिक लगानी कोष समेतको) कित्ता सर्वसाधारणमा बिक्री गरिनेछ ।

यसमा १०.५% ब्याजदर तोकिएको छ । बैंकले ऋणपत्र लागि बिक्री प्रबन्धकमा आरबीबी मर्चेन्ट बैकिङलाई नियुक्त गरेको छ । यता, बैंकले ऋणपत्र निष्कासन गर्न हालसम्म धितोपत्र बोर्डमा आवेदन भने दिएको छैन ।

बोर्डबाट अनुमति पाएपछि मात्र ऋणपत्र बिक्रीमा आउने छ ।