काठमाडौं । प्रभु बैंकको लाभांश सुरक्षित गर्ने आज पुस ९ गते बिहीबार अन्तिम दिन हो । प्रभुले १०% बोनस सेयर र कर प्रयोजनको लागि ०.५२% नगद लाभांश गरी कुल १०.५२% लाभांश वितरण गर्दैछ ।

बैंकले साधारण सभा प्रयोजनका लागि पुस १० गतेदेखि २६ गतेसम्म बुक क्लोज गर्ने भएको छ । यसर्थ, लाभांश हात पार्न आजै सेयरधनी बनिसक्नु पर्नेछ ।

प्रभुको साधारण सभा पुस २६ गते हुने भएको छ । १९औं वार्षिक साधारण सभा बैंकको केन्द्रीय कार्यालय बबरमहल काठमाडौंमा बिहान ११ बजेबाट सुरु हुने बैंकले जनाएको छ ।

सभामा प्रबन्धपत्र तथा नियमावली संशोधनका लागि आवश्यक कार्य गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका एजेन्डा पनि रहेका छन् । कोरोनाका कारण सेयरधनीलाई भर्चुअल रुपमा सभामा उपस्थित गराउने बैंकले जनाएको छ ।