एनआईसी एशिया बैंकका प्रमुख कार्यकारी अधिकृत रोशन न्यौपानेले राजीनामा दिए
कामु सीईओको जिम्मेवारी पाएका सन्तोषकुमार राठी
काठमाडौं । एनआईसी एशिया बैंकका प्रमुख कार्यकारी अधिकृत रोशन न्यौपानेले राजीनामा दिएका छन् ।
२०७९ सालमा चार वर्षको लागि दोस्रो पटक नियुक्त भएका न्यौपानेले कार्यकाल बाँकी छँदै राजीनामा दिएका हुन् । बैंकिङ क्षेत्रमा उनले ‘कान्छा सीईओ’ को रुपमा चर्चा कमाएका थिए ।
उनले राजीनामा दिएसँगै डेपुटी सीईओ सन्तोषकुमार राठीलाई कामु सीईओको जिम्मेवारी दिइएको एनआईसी एशिया स्रोतले जनाएको छ ।
























