काठमाडौं । सिद्धार्थ बैंक लिमिटेडले चालु आर्थिक वर्षको पहिलो त्रैमाससम्म ३८ करोड २० लाख रुपैयाँ  खुद नाफा आर्जन गरेको छ ।  यो गत वर्षको यसै अवधिको  तुलनामा  ७९१.४३  प्रतिशतले धेरै हो ।

गत वर्ष यसले ४ करोड २८ लाख रुपैयाँ नाफा कमाएको थियो । खुद ब्याज आम्दानी ६.०१ प्रतिशतले बढेर २ अर्ब ८ करोड ८२ लाख रुपैयाँ पुगेको छ ।

गत वर्ष उक्त आम्दानी १ अर्ब ९६ करोड ९८ लाख थियो । यता, यस बैंकको इम्पेयरमेन्ट चार्ज १ अर्ब ४३  करोडबाट घटेर १ अर्ब ५० लाख कायम भएको छ ।  उक्त चार्ज घट्दा नाफामा सुधार आएको हो ।

यता, बैंकको  सञ्चालन  नाफा  पनि ५७६.३३ प्रतिशतले  बढेको छ । यसको  वितरण योग्य  नाफा २६ करोड ४३ लाख रहेको छ ।

चुक्ता पुँजी १४ अर्ब ८ करोड ९९ लाख रुपैयाँ रहेको छ सिद्धार्थको जगेडा कोषमा १४ अर्ब ६ करोड रुपैयाँ जम्मा रहेको छ ।

यसको चुक्ता पुँजी र जगेडा कोषको आकार लगभग बराबर छ । यसको प्रतिसेयर आम्दानी ९ रुपैयाँ ४५  पैसाले  बढेर १० रुपैयाँ ६४ पैसा पुगेको छ ।  यसको प्रतिसेयर नेटवर्थ २०१ रुपैयाँ ७२ पैसा रहेको छ ।