काठमाडौं । एनआईसी एशिया बैंक लिमिटेडले नयाँ ब्याजदर सार्वजनिक गरेको छ । बैंकले भदौ १ गतेदेखि लागू हुने गरी ब्याजदर घटाएको हो ।

बैंकले निक्षेपमा भदौका लागि व्यक्तिगततर्फ ७.४१ प्रतिशत र संस्थागततर्फ ६.४१ प्रतिशत अधिकतम ब्याजदर तोकेको छ । साउनमा बैंकले व्यक्तिगततर्फ ७.५३ प्रतिशत र संस्थागततर्फ ६.५३ प्रतिशतअधिकतम ब्याजदर तोकेको थियो ।

बैंकले व्यक्तिगत निक्षेपमा ३ महिने अवधिका लागि ५.२५ प्रतिशत, ३ देखि माथि र १२ महिनादेखि तलको अवधिका लागि ५.५० प्रतिशत, १ वर्ष अवधिको लागि ६५, १ वर्षदेखि माथि २ वर्षभन्दा कम अवधिका लागि ६.२५ प्रतिशत, २ वर्षदेखि माथि ५ वर्षभन्दा कम अवधिका लागि ६.५० प्रतिशत र ५ वर्ष वा सोभन्दा बढी अवधिका लागि ७.४१ प्रतिशत ब्याजदर कायम गरेको छ ।

संस्थागतमा ६ महिनादेखि माथि १२ महिनाभन्दा कम अवधिका लागि ३५, १ वर्ष अवधिका लागि ३.५० प्रतिशत, १ वर्षदेखि माथि ५ वर्षभन्दा कम अवधिका लागि ३.५० प्रतिशत र ५ वर्ष वा सोभन्दा बढी अवधिका लागि ६.४१ प्रतिशत ब्याजदर कायम गरेको छ ।

बचत खातामा पनि बैंकले ब्याजदर घटाएर साथि बचत खातामा ५.४१ प्रतिशत, सर्वश्रेष्ठ रेमिटेन्स बचत खातामा ६.४१ प्रतिशत र अन्य बचत खातामा ३.४१ प्रतिशत ब्याजदर तोकेको छ । बैंकको आधारदर ९.२४ प्रतिशत छ ।