काठमाडौं ।सांग्रिला डेभलपमेन्ट बैंकले चालु आर्थिक वर्षको तेस्रो त्रैमासमा खुद नाफा वृद्धि गर्न सफल भएको छ । बैंकको खुद नाफा गत वर्षको यसै अवधिको तुलनामा ९.४४% ले बढेर २६ करोड ९३ लाख रुपैयाँ पुगेको हो ।

गत वर्ष बैंकले २४ करोड ६१ लाख रुपैयाँ नाफा कमाएको थियो । यस अवधिमा खुद ब्याज आम्दानी ३.४९% ले बढेर १ अर्ब ४४ करोड रुपैयाँ पुगेको छ । यसको सञ्चालन नाफा पनि ९.६५% ले बढेको छ ।

यस्तै, बैंकको इम्पेयरमेन्ट चार्ज पनि सामान्य घट्दा नाफामा सुधार भएको हो । सांग्रिला डेभलपमेन्ट बैंकको खराब कर्जा भने ३.५५% बाट बढेर ३.८४Rपुगेको छ । बैंकको खुद नाफा बढेपछि प्रतिसेयर आम्दानी पनि ४७ पैसाले बढेर १०.४७ रुपैयाँ पुगेको छ । यसको प्रतिसेयर नेटवर्थ १३७.४७ रुपैयाँ रहेको छ ।