काठमाडौं । नेपाल राष्ट्र बैंकले १४ अर्ब ५० करोड रुपैयाँ आन्तरिक ऋण नवीकरण गर्ने भएको भने थप ४ अर्ब रुपैयाँ उठाउने भएको छ।

केन्द्रीय बैंक यसअघि ट्रेजरी बिल मार्फत उठाएको १४ अर्ब ५० करोड रुपैयाँको आन्तरिक ऋण नवीकरण गर्ने भएको हो।

जसमा ९१ दिने अवधिमा ८ अर्ब ५० करोड रुपैयाँ र ३६४ दिने २ अर्ब रुपैयाँको ट्रेजरी बिल रहेका छन्। यी ट्रेजरी क्रमशः फागुन २९ गते र २०८१ मंसिर २५ गते परिपक्व हुनेछन्।

यसैगरी राष्ट्र बैंकले १८२ दिने ४ अर्ब रुपैयाँ नयाँ ट्रेजरी बिल जारी गर्नेछन्। यो २०८१ जेठ २९ गते परिपक्व हुनेछन्। यी ट्रेजरी बिल मंसिर २६ गते जारी हुनेछ। यसको बोलकबोल भोलि मंसिर २५ गते दिउँसो २ बजे हुनेछ।

ट्रेजरी बिल १ वर्ष वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो। सोही प्रयोजनका लागि राष्ट्र बैंकले ट्रेजरी बिल नवीकरण गर्न लागेको हो।