काठमाडौं ।नयाँ वर्षको पहिले दिन अर्थात वैशाख १ गतेलाई बढो हर्षोल्लासका साथ मनाउने आम नेपालीको परम्परा नै हो । यसदिन मिठो खाने र नयाँ सामान किन्ने प्रचलन समेत छ ।

सवारीसाधन किन्नेहरुका लागि त झन यसदिनले विशेष महत्व राख्दछ । नयाँ सवारीसाधन घर भित्र्याएर परिवारमा खुसी बाढ्न पाइने र बिक्रेता कम्पनीले समेत विशेष अफर दिने भएका कारण यस दिनलाई कुरेर नयाँ गाडी किन्ने ग्राहकको ठूलै जमात भेटिन्छ ।

नयाँ वर्षमा धेरैभन्दा धेर्रै सवारीसाधन बिक्री गर्न कम्पनीहरुले लामै समयदेखी कसरत समेत गरिरहेका हुन्छन् । यसदिन कुन कम्पनीले कति गाडी बिक्री गर्यो भन्ने विषयले पछिसम्म चर्चा पाउने कारण पनि बिक्रेता कम्पनीका लागि नयाँ वर्षले विशेष महत्व राख्दछ ।

नेपाली बजारमा सर्बाधिक बिक्री हुने कार ब्रान्ड बीवाईडीले नयाँ वर्षको पहिलो दिन अर्थात बैशाख १ गते १३५ वटा गाडीको वुकिङ लिन सफल भएको जनाएको छ । अघिल्लो वर्षको यसै दिन १३२ गाडी बुकिङ लिएको कम्पनीले यसवर्ष त्यसमा केही सुधार गर्दै बुकिङ बढाएको हो ।

बीवाईडीको हाल नेपाली बजारमा एट्टो३, डल्फिन, एम६, ई६ र लक्जरी सेडान कार सील सहित कुल ५ वटा मोडलका ईभी उपलब्ध छन् । यी कारको सुरुवाती मूल्य ४१ लाख १५ हजारदेखी १ करोड ९५ लाख रुपैयाँसम्म पर्छ । यीमध्ये सर्बाधिक बिक्री हुने मोडलमा एट्टो३ र डल्फिन पर्छ ।

अन्तराष्ट्र्रिय बजारमै चर्चा कमाएको ईभी ब्रान्ड भएका कारण पनि बीवाईडीलाई नेपाली ईभी प्रेमीले अत्याधिक मात्रामा रुचाउँदै आएका छन् ।

साथै, अत्याधुनिक फिचर, लामो रेन्ज दिने ब्लेड ब्याट्री, उत्कृष्ट गुणस्तर र सर्वसुलभ बिक्री पछिको सेवालगायत विशेषताका कारण पनि बीवाईडीका कार नेपाली बजारमा सफल भएक हुन् ।