सन् २०२४ मा सबैभन्दा बढी बिक्री हुने कारको तथाङ्क सूची सार्वजनिक भइसकेको छ । चार दशकदेखि अटो  बजारमा  दवदवा कायम रहेको  मारुती सुजुकीलाई गत वर्ष टाटाले उछिनेको थियो ।

कम्प्याक्ट सेगमेन्टमा सबैभन्दा लोकप्रिय एसयूभी टाटाको पन्च बिक्रीको मामलामा सबैभन्दा बढी बिक्री हुने कारको सुचीमा पहिलो स्थानमा पर्न सफल भएको छ ।

रिपोर्टका अनुसार गत वर्ष टाटा पन्चको २ लाख २ हजार ३० युनिट डेलिभरी लिएको थियो । टाटा पन्च पछि क्रमशस् दोस्रो, तेस्रो र चौथो स्थानमा मारुती सुजुकीको वागन आर, अर्टिगा र ब्रेजा पर्न सफल भएको छ ।

टाटा पन्च :

सबैभन्दा बढि बिक्री हुने टाटा पन्चको एक्स शोरुम मूल्य ६ लाख १३ हजार भारु देखि यसको टप भेरिएन्टको मूल्य १० लाख १५ हजार भारु छ । सो कार पेट्रोल, डिजेल र सीएनजी भेरिएन्टमा उपलब्ध छ । यसमा १।२ लिटरको ३ सिलिन्डर पेट्रोल इन्जिन समावेश छ । कुल ७ रङमा उपलब्ध सो एसयूभी ५ स्टार सेफ्टी रेटिङ प्राप्त छ ।

सो कार अटोमेटिक भेरिएन्टमा पनि उपलब्ध छ । यसमा सनरुफ र कनेक्टेड टेक्नोलोजी, ७ इन्चको फ्लोटिङ टचस्क्रिन इन्फोटेनमेन्ट सिस्टम, ७ इन्चको डिजिटल इन्स्ट्रयुमेन्ट क्लस्टर र अटोमेटिक क्लाइमेट कन्ट्रोल जस्ता सुविधा रहेको छ ।

मारुती सुजुकी वागन आर :

रिपोर्टका अनुसार सबैभन्दा बढि बिक्री हुने कार मध्ये मारुती सुजुकीको वागन आर २०२४ मा बिक्रीमा दोस्रो स्थानमा थियो । यसको मूल्य ५ लाख ५४ हजार भारुदेखि सुरु हुन्छ ।

सो ह्याचब्याक कार गत वर्ष १ लाख ९० हजार ८५५ युनिट बिक्री भएको थियो । सो कार पेट्रोल र पेट्रोल सीएनजी बाई फ्युल दुबै विकल्पमा उपलब्ध छ । यसको इन्जिन १।० लिटर र १।२ लिटर पेट्रोल इन्जिन उपलब्ध छ ।

मारुती सुजुकी अर्टिगा :

मारुती सुजुकी अर्टिगा एसयूभी क्रसओभर कार हो । सो कार बिक्रीको मामलामा तेस्रो स्थानमा छ । गत वर्ष यसको १ लाख ९० हजार ९१ युनिट बिक्री भएको थियो । नेक्स्ट जेनेरेशन अर्टिगामा स्मार्ट हाइब्रिड सिस्टमसँग जोडिएको पेट्रोल इन्जिन समावेश छ ।

जसको मूल्य ८ लाख ६९ हजार भारु छ । साथै यसमा सीएनजी संस्करणको विकल्प पनि समावेश छ जसको मूल्य १० लाख ७८ हजार भारु छ ।

मारुती सुजकी ब्रेजा :

निजी सवारी साधनमा ब्रेजा सबैभन्दा लोकप्रिय एसयूभी हो । गत वर्ष बिक्रीको सूचीमा चौथो स्थानमा थियो । यसको १ लाख ८८ हजार १६० युनिट बिक्री भएको थियो । यसमा पेट्रोल, पेट्रोल सीएनजी बाई फ्युल र पेट्रोल स्मार्ट हाइब्रिड पावरट्रेन विकल्पमा उपलब्ध छ ।

यसमा इलेक्ट्रिक सनरुफ, हेडअप डिस्प्ले, ३६० भ्यू क्यामेरा, वायरलेस चार्जिङ डक, ६ एयरब्याग, एबीएस ईबीडी जस्ता फिचर रहेको छ । सीएनजी संस्करणको साथमा यसको मूल्य ८ लाख ३४ हजार भारु छ ।

हुन्डाई क्रेटा :

लगभग १ लाख ८६ हजार ६१९ युनिट बिक्रीको साथमा हुन्डाई क्रेटा पाँचौ स्थानमा थियो । यसमा १।५ लिटर पेट्रोल, डिजेल र टर्बोचार्ज पेट्रोल इन्जिनको विकल्प रहेको छ ।

यसमा एड्भान्स फिचरको साथमा ८ इन्चको इन्फोटेनमेन्ट सिस्टम, क्रुज कन्ट्रोल, प्याडल शिफ्टर, ६ एयरब्याग, एबीएस, ईबीडी, टीपीएमएस र आईसोफिक्स जस्ता फिचर रहेको छ । यसको मूल्य ११ लाख १० हजार भारु छ ।