काठमाडौं । नेपाली बजारमा दीपल ब्राण्डको नयाँ बिजुली गाडी भित्रिने भएको छ । चिनियाँ कम्पनी चांगानको नेपालस्थित आधिकारिक विक्रेता एमएडब्लू वृद्धि अटोकर्पले यो वर्षको नाडा अटो शोमा दीपल एल०७ इलेक्ट्रिक सेडान सार्वजनिक गर्ने तयारी गरेको हो ।

दीपल एल ०७ बाट ग्राहकले अझ सुधारिएको ड्राइभिङ अनुभव पाउने कम्पनीको भनाइ छ । यो इलेक्ट्रिक सेडानमा वेलकम सिट, एआर एचयूडी, जेस्चर कन्ट्रोल, सनफ्लावर टचस्क्रिन जस्ता अत्याधुनिक सुविधाहरूको समावेश गरिएको छ । यसले ५४० किलोमिटरसम्मको रेन्ज प्रदान गर्ने कम्पनले जनाएको छ ।

एमएडब्लु वृद्धि अटोकर्पले नाडा अटो शोमा दीपल एल०७ बाहेक नयाँ ईभी मोडेल पनि प्रदर्शन गर्ने तयारी गरेको छ, तर यसबारे कुनै विवरण सार्वजनिक गरिएको छैन । यो नयाँ ईभीले कम्पनीको ट्यागलाइन ‘द फ्युचर’लाई नयाँ अर्थ दिने बताइएको छ ।​