युरोपा लिग क्वाटरफाइनलको पहिलो लेगमा दुई आत्मघाती गोल गर्दा म्यानचेष्टर युनाइटेड सेभियासँग बराबरीमा रोकिएको छ । खेलको अन्त्यतिर आत्मघाती गोल गरेपछि म्यानचेष्टर युनाइटेड सेभियासँग २–२ को बराबरीमा रोकिएको हो ।

घरेलु मैदान ओल्ड ट्राफोर्डमा पहिलो हाफमै दुई गोलको अग्रता बनाएको युनाइटेडले अन्तिम ६ मिनेटमा दुई आत्मघाती गोल उपहार दिएको थियो ।
युनाइटेडका लागि मार्सेल सबतिजरले १४औं र २१औं मिनेटमा गोल गर्दै अग्रता दिलाएका थिए ।

सेभियाका लागि पनि युनाइटेडले नै गोल गरिदियो । ८४औं मिनेटमा टारेल मलमासिया र इन्जुरी टाइममा ह्यारी मगुएरेले आत्मघाती गोल गरेपछि सेभियाले पहिलो लेग बराबरी गर्न सफल भयो ।