फ्रान्समा सेवानिवृतिको अवधि बढाएको विरोधमा आन्दोलन सुरू भएको छ । फ्रान्सले हालै सेवा निवृत्त हुने उमेर ६२ बाट बढाएर ६४ पुर्‍याएको विरोधमा आन्दोलन चर्केको हो ।

राजधानी पेरिस लगायतका शहरमा भेला भएका प्रदर्शनकारीहरुले फ्रान्सका राष्ट्रपति इमानुएल म्याक्रोन विरुद्ध नारा लगाउँदै नयाँ नियम तत्काल फिर्ता गर्न माग गरेका छन् ।

आन्दोलनमा आठ वटा ट्रेड युनियनहरु सहभागी छन् । आन्दोलनको प्रभाव विद्यालय, सार्वजनिक यातायात र तेल प्रशोधन केन्द्र सम्म परेको छ ।

आन्दोलनले राष्ट्रपति म्याक्रोन अप्ठेरोमा पर्नुभएको छ । प्रदर्शन नियन्त्रणका लागि प्रहरीले बल प्रयोग गर्दा दर्जनौं प्रदर्शनकारीहरु घाइते भएका छन् ।