जिपले कम्पास एसयूभीको नयाँ डिजाइन सार्वजनिक गरेको छ । यसको नयाँ डिजाइन पहिलेभन्दा अझ बोल्ड र आकर्षक देखिने भएको छ । यद्यपि कम्पनीले नयाँ प्रविधि र इन्टेरियर अपडेटको बारेमा जानकारी अझै सार्वजनिक गरेको छैन ।

नयाँ पुस्ताको जिप कम्पासको नयाँ डिजाइनमा आयताकार आकारको हेडल्याम्प दिएको छ । यसमा स्लटेड ग्रिल डिजाइन पहिले जस्तै कायम राखिएको छ।

साइड प्रोफाइलको लुक र ह्विल आर्चमा पनि केही परिवर्तन देख्न सकिन्छ । यसको पछाडि एलईडी लाइटिङ एलिमेन्ट सहितको शार्प टेलल्याम्प देख्न सकिन्छ ।

नयाँ मोडल पुरानो मोडलभन्दा ठूलो हुनेछ । यसमा सेन्टर कन्सोल, ड्यासबोर्ड र डोर ट्रिम हुने अनुमान गरिएको छ । यसमा कनेक्टिभिटी र एडास किट पनि परिवर्तन गर्ने अपेक्षा गरिएको छ ।

साथै भेन्टिलेटेड लेदर सिट, भ्वाइस कमाण्ड, वायरलेस चार्जिङ र ड्युअल पेन सनरुफ लगायत धेरै फिचर पहिले जस्तै कायम राख्न सकिने अनुमान गरिएको छ ।

नयाँ पुस्ताको जिप कम्पास एसटीएलए मिडियम आर्किटेक्चरमा आधारित हुन सक्छ । यसमा इलेक्ट्रिक, हाइब्रिड र प्लग–इन हाइब्रिड विकल्प पनि देख्न सकिन्छ ।

सो एसयूभी २०२५ मा युरोपमा लन्च हुनेछ । साथै भारतमा यसको लन्च २०२६ पछि नै हुने अपेक्षा गरिएको छ । नेपाली बजारमा यो भर्सन भविष्यमा उपलब्ध हुन सक्छ ।