काठमाडौं । नेपाल स्टक एक्सचेन्ज (नेप्से)मा करिब साढे ७७ लाख कित्ता शेयर थपिएको छ।

नेप्सेमा रिडी पावरको ५० प्रतिशत हकप्रद शेयर सूचीकृत भएको हो। जसअनुसार यो कम्पनीको कुल ७७ लाख ४४ हजार ५०६ कित्ता शेयर नेप्सेमा सूचीकृत भएको छ।

यो कम्पनी केही समयपहिले आफ्ना शेयरधनीहरुलाई चुक्तापुँजीको १ः०.५ अनुपातमा अर्थात ५० प्रतिशत हकप्रद शेयर बिक्री गरेको थियो। अब यो शेयर भोलि मंगलबारबाट कारोबार गर्न सकिनेछ।