पाकिस्तानका पूर्वप्रधानमन्त्री इमरान खान भ्रष्टाचारको नयाँ मुद्दामा फसेका छन् । यस्तो अवस्थामा उनलाई जेलबाट छिट्टै निस्कन गाह्रो हुने भएको छ । तोशाखान भ्रष्टाचार मुद्दामा इमरान खान यसअघि नै जेलमा छन् ।

पाकिस्तानमा आगामी फेब्रुअरीमा आम निर्वाचन हुँदैछ । यस्तो बेला इमरानविरुद्ध नयाँ मुद्दा दायर गर्नु उनका लागि ठूलो झट्का भन्दा कम नभएको मिडिया रिपोर्टमा उल्लेख छ ।

पाकिस्तानको एक उत्तरदायित्व अदालतले शुक्रबार जेलमा रहेका पूर्वप्रधानमन्त्री इमरान खान र उनकी श्रीमतीसहित अन्य संदिग्धहरूविरुद्ध भ्रष्टाचार मुद्दा दायर गरेको छ।

नेशनल एकाउन्टेबिलिटी ब्यूरो (एनएबी) का डेपुटी प्रोसिक्युटर जनरल मुजफ्फर अब्बासी र अनुसन्धान अधिकारी उमर नदीमले इस्लामावादको उत्तरदायित्व अदालतमा मुद्दा दायर गरेका थिए।

यस मामिलामा पाकिस्तान तहरीक ए इन्साफ (पीटीआई) पार्टीका प्रमुख खान (७१), उनकी पत्नी बुशरा बीबी, उनका साथी फरहत शेहजादी उर्फ ​​फराह गोगी, पीटीआई नेता जुल्फी बुखारी, शेहजाद सहित कुल आठ जनालाई आरोपी बनाइएको छ।