एजेन्सी । स्पेन र स्विट्जरल्याण्ड युरोकप फुटबलको क्वाटफाइनलमा प्रवेश गरेका छन् । गएराति भएको खेलमा विश्वकप विजेता फ्रान्सलाई टाइब्रेकरमा हराउँदै स्विट्जरल्याण्ड क्वाटरफाइनलमा पुगेको हो ।

खेलको निर्धारित समयमा दुवै टोलीबाट ३–३ गोल भयो । फ्रान्सका करिम बेन्जमाले दुई तथा पउल पोग्बाले एक गोल गर्दा स्विट्जरल्याण्डका ह्यारिस सेफेरोभिचले दुई तथा मारियो गाभ्रानोभिचले एक गोल गरे ।

८१ मिनेटसम्म ३–१ ले अगाडी रहेको फ्रान्सले अन्तिम समयमा २ गोल खाएपछि खेल अतिरिक्त समयमा पुग्यो । अतिरिक्त समयमा दुवै टोलीले गोल गर्न सकेनन् ।

टाइब्रेकरमा फ्रान्सका किलियन एम्बाप्पेको अन्तिम प्रहारलाई विपक्षी गोलकिपरले रोकेपछि स्विट्जरल्याण्ड ५–४ ले विजयी भयो ।

गएराती भएको अर्को खेलमा क्रोएसियालाई अतिरिक्त समयमा ५–३ ले हराउँदै स्पेन क्वाटरफाईनलमा प्रवेश ग¥यो । निर्धारित समयको खेल ३–३ गोलको बराबरीमा रोकियो ।

अतिरिक्त समयमा स्पेनका अल्भारो मोराटा र मिकेल ओयरजबालले एक एक गोल गर्दै स्पेनलाई विजयी गराए । युरोकप फुटबलमा आज राउण्ड अफ सिक्सटिनका अन्तिम दुई खेल हुनेछन् ।

आयरल्याण्डको डब्लीनमा बेलुकी पौने १० बजे इंग्ल्याण्ड र जर्मनी भिड्दा राती पौने १ बजे स्कटल्याण्डको ग्लासगोमा हुने खेलमा स्विडेनले युक्रेनसँग खेल्नेछ ।