काठमाडौं । इंग्लिस प्रिमियर लिग अन्तर्गत गएराति भएको खेलमा एष्टन भिल्ला विजयी भएको छ । उसले आफ्नो प्रतिद्वन्द्वी आर्सनललाई १–० को गोल अन्तरले पराजित गरेको हो ।

घरेलु मैदानमा भएको खेलमा आर्सनलमाथि एष्टानले जीत हासिल गरेको हो । एष्टानको जीतमा ट्रेजेगुइटले गोल गरेका थिए ।

२७ औं मिनेटमा उनले प्रहार गरेको गोलले जाली चुम्दा एष्टानले अग्रता लिएको थियो । त्यसयता कुनै टिमले गोल गर्न सकेका थिएनन् ।

जितसँगै तालिकाको १७ औं स्थानमा छ । उसले ३७ खेलबाट ३४ अंक जोडेको छ । १० औं स्थानमा रहेको आर्सनलको ३७ खेलबाट ५३ अंक छ ।