विलियनले दोस्रो हाफको इन्ज्युरी समयमा पेनाल्टीबाट निर्णायक गोल गरेपछि फुलहमले इंग्लिस प्रिमियर लिगमा सोमबार उल्भ्सलाई ३–२ ले हराएको छ ।

फुलहमले ‘भार’ को मद्दतमा विवादास्पद सावित पेनाल्टी प्रहारको अवसर पाएको थियो । एलेक्स इबोबीले फुलहमलाई सुरुआती अग्रता दिलाएयता उल्भ्सका लागि म्याथस कुन्हाले बराबरी गोल फर्काए ।

त्यसपछि फुलहमका लागि विलियन र उल्भ्सका लागि ह्वाङ हि–चानले पेनाल्टीबाट एक एक गोल गरे।यो नतिजापछि फुलहमको १३ खेलबाट १५ अंक भएको छ र १४ औं स्थानमा छ । उल्भ्स भने १५ अंकमै सीमित रहेर १२ औं स्थानमा रह्यो ।