मातृभूमिका लागि नेपालीको सहयोग
Aarthik Sanjal
1.3K
shares
आर्थिक सञ्जाल २०७७ वैशाख १४ गते आइतबार
काठमाडौँ । मातृभूमिका लागि नेपालीले कोरोना नियन्त्रणको लागि सरकारले गरेको लकडाउनको कारण खाद्यान्न अभाव भोग्दै आएका २ ओटा बृद्धआश्रममा राहत बितरण गरेको छ ।
संस्थाले कंचनपुरको बेतकोट नगरपालीका वार्ड नं ८ रौटेलामा रहेका बैजनाथ धाम ज्येष्ठ नागरिक सेवा केन्द्र लाई २० हजार र भिमदत्त नगरपालीका बनगाउँमा रहेको महिला तथा बृद्ध सेवा केन्द्र (बृद्धाश्रम)लाई ३० हजार गरी जम्मा ५० हजार बराबरको खाद्यान्न सामाग्री बितरण गरेको हो ।
उक्त सामाग्री मातृभूमिका लागि नेपाली कंचनपुरका संयोजक जयवहादुर चन्दले बैजनाथ धाम ज्येष्ठ नागरिक सेवा केन्दका संचालक बहादुर सिंह बिष्ठ र महिला तथा बृद्ध सेवा केन्दका संचालक शारदा चन्दलाई एक कार्यक्रम बिच हस्तान्तरण गर्नुभएको हो ।
मातृभूमिका लागि नेपाली केन्द्रीय परिषद सदस्य एमव् उत्तर अमेरिकाका संयोजक शेखर ढुङ्गेलको सहयोगमा प्राप्त भएको उक्त राहातले बैजनाथ धाम ज्येष्ठ नागरिक सेवा केन्द्रका २० जना र महिला तथा बृद्ध सेवा केन्दका ४२ जना गरी ६२ जना बृद्धबृद्धाहरुलाई केहि दिनको लागि भएपनि हातमुख जोर्ने वातावरण मिलेको कंचनपुर संयोजक चन्दले बताउनुभयो ।
मातृभूमिका लागि नेपाली उत्तर अमेरीका संयोजक ढुङ्गेलले यस अघि काठमाडौँमा रहेको स्नेहा पशु संरक्षण केन्द्रलाई पशुपक्षीको आहाराको लागि ३० हजार रुपैयाँ सहयोग गर्नुभएको थियो ।
