आर्थिक सञ्जाल २०७७ वैशाख ११ गते बिहीबार

काठमाडौँ । मोवाइल फोन इम्पोर्टर्स एशोसियशनले नेपाल प्रहरी अस्पताललाई ४० थान पीपीई र ५ हजार थान मास्क हस्तान्तरण गरेको छ ।

महाराजगञ्ज स्थित नेपाल प्रहरी अस्पतालमा आयोजित समारोहमा एशोसियशनका अध्यक्ष दीपककुमार मलहोत्राले उक्त स्वास्थ्य सामाग्री प्राविधिक प्रहरी अतिरिक्त महानिरीक्षक डा. आशा सिंहलाई हस्तान्तरण गरेका हुन् ।

यस सहयोगले कोरोना बिरुद्ध लडिरहेको राष्ट्रिय सुरक्षा निकायलाई मद्दत पुग्ने अध्यक्ष मलहोत्राले बताए ।