आर्थिक सञ्जाल वैशाख ८, २०७७ सोमबार

काठमाडौं । कोरोना भाइरसको महामारीका कारण पठन–पाठन ठप्प भएपछि पिसिपिएस कलेज (पाटन कलेज फर प्रोफेशनल स्टडिज) ले अनलाइन कक्षा सञ्चालन गर्ने भएको छ । कोरोना भाइरसको महामारीले गर्दा देशका सम्पुर्ण स्कुल कलेजहरु बन्द रहेको बेला आफ्ना विद्यार्थीहरुको लागि २५ मार्च देखि अनलाईन कक्षा सञ्चालन गर्ने भएको हो ।

पाटन कलेजले शिक्षा मन्त्रालयको स्वीकृती प्राप्त गरी बेलायतको युनिभरसिटी अफ बेडफोर्ड सायरकोे सम्वधनमा बिस्सी कम्पुटर साईन्स एण्ड साफ्टवेयर इन्जिनियरिङ्ग र बिबिए जस्ता स्नातक कार्यक्रमहरु सञ्चालन गर्दै आएको छ ।

पिसिपिएस कलेजले नेपाल सरकारको मार्ग निर्देशन दृढताका साथ पालन गर्दछ । सरकारले करोना महामारीबाट बच्न लगाएको लकडाउनले गर्दा विद्यार्थीहरुको सेशन ढिला नहोस भनेर कलेज अनलाईन कक्षा प्रारम्भ गरेको हो । यी कक्षाहरु विश्वविद्यालयको सफ्टवेयर ब्रिइयो मार्फत सञ्चालन गरिएको छ । Boreo भनेको बेडफोर्ड सायर अनलाइन शिक्षाको संसाधन हो ।

ब्रिइया सफ्टवेयर विश्वविद्यालयले तयार पारेको अनलाइन उपकरणहरुको संग्रह हो जसले विद्यार्थीहरुलाई उनीहरुको अध्ययनमा मद्दत पुर्याउँछ ।  ब्रिइया को ठुलो हिस्सा हाम्रो उद्योग मानक भर्चुअल लर्निङ्ग वातावरण, ब्ल्याकबोर्ड लर्न हो जसले इन्टरनेट मार्फत सबै प्रकारको शिक्षण सामग्रीको जानकारी प्रस्तुत गनै र व्यवस्थापन गर्न एक सुविधाजनक सफ्ट प्लेटफार्म प्रदान गर्दछ ।

मिश्रित एवं अनलाईन शिक्षा प्रदान गर्ने शिक्षकहरुले यस्ता भर्चुअल लर्निङ्ग वातावरणबाट आफ्ना विद्यार्थीहरुको अध्ययन अनुभवलाई समृद्ध र सहयोग गर्न सक्छन ।

पिसिपिएस कलेजले यस्तो कठिन र चुनौतीपूर्ण परिस्थितिको बाबजुद आफ्ना विद्यार्थीहरुलाई शिक्षा प्रदान गर्ने आफ्नो प्रतिबद्धतामा खरो उत्रेको छ । यस्तै क्रियाकलापले यो कलेजलाई अरु कलेज भन्दा फरक बनाउँदछ ।

यस कलेजले एउटा अनलाईन लर्निङ्ग प्लेटफार्मको सहकार्यमा आफ्ना विद्यार्थीहरुको लागि क्लाउड कम्प्युटिङ्ग, डाटा साइन्स, व्यवसाय, कम्प्युटर साइन्स, इन्जिनियरिङ्ग, शाररिक शिक्षा, स्वास्थ सेवा, व्यवसायिक विकाश, कला र मानविकी, प्रविधी आदी सङ्ग सम्वन्धित ३१०० वटा अनलाइन कार्यक्रमहरु निःशुल्क प्रदान गर्दै आएको छ ।

कलेजका अध्यक्ष पंकज जालानले यी पाठ्यक्रमहरुले विद्यार्थीहरुको कौशलता बढाउनुको साथ साथै महामारीको त्रासबाट हुने अनावश्यक तनावबाट टाढा राख्न मद्दत पुर्याउने विश्वाश लिएको बताएका छन् ।