काठमाडौं। सुनचाँदी बजारमा साताको पहिलो कारोबार दिन आज जेठ ८ गते छापावाल सुनको मूल्य प्रतितोला रु. ९८ हजार तोकिएको छ । अघिल्लो दिन प्रतितोला रु.९७ हजार ३०० मा कारोबार भएको पहेँलो धातु आज प्रतितोला ७०० रूपैयाँले मूल्य बढेको छ।

नेपाल सुनचाँदी व्यवसायी महासंघले सार्वजनिक गरेको विवरणाअनुसार आज जेठ ८ गते तेजाबी सुनको मूल्य प्रतितोला रु. ९७ हजार ५०० रहेको छ । यसको मूल्य अघिल्लो दिन प्रतितोला रु. ९६ हजार ८०० थियो ।

आज चाँदीको मूल्य अघिल्लो कारोबार मूल्यका तुलनामा स्थिर रही प्रतितोला रु। एक हजार २७० कायम रहेको महासघले जनाएको छ । अन्तर्राष्ट्रिय बजारमा आज सुन प्रतिऔँस एक हजार ८४६ डलर आसपास कारोबार भइरहेको छ ।