श्री शिव शक्ति घ्यू उद्योगको म्याद नाघेको खाने तेल बजारमा
Aarthik Sanjal
2.1K
shares
आर्थिक सञ्जाल चैत्र २३, २०७६ आइतबार
काठमाडौ । श्री शिव शक्ति घ्यू उद्योग प्रा.लि, रजिष्टर्ड नं ३०४१/०४४, जीतपुर बारा, नेपालबाट उत्पादित म्याद नाघेको “फेमिली” तोरीको तेल बजारमा बिक्री भइरहेको छ ।
एक लिटर (९१० ग्राम) तौल रहेको फेमेली तोरीको तेलका यी पोकामा लेखिएअनुसार यस तेलको उपभोग अवधि पाँच महिना रहेको छ । तर यी पोकामा पहिले लेखिएको उत्पादित र उपभोग मिति केरमेट गरेर अहिले ०७६।०९ राखिएको छ ।
यो म्याद पनि सकिसकेको छ।
यसबाट के आशङ्का गर्न सकिन्छ भने यस तेलको उपभोग अवधि समाप्त भएको हुनुपर्छ । त्यसैले बजार अनुगमन समितिले यस उद्योगबाट उत्पादित तेललाई बजारबाट तत्कालै जफत गरोस् र यथार्थ के हो छानबीन गरी उपभोग अवधि समाप्त भएको तेल बजारमा पठाएर उपभोक्ताको स्वास्थ्यमाथि खेलवाड गरेको रहेछ भने त्यस उद्योगमाथि कडाभन्दा कारबाही गरियोस् भन्ने अपभोक्ताहरूको जोडदार माग रहेको छ ।
साथै त्यस उद्योगबाट उत्पादित दुई पोका (दुई लिटर) तेल हामीसँग सुरछित रहेको समेत जानकारी गराउदछौ ।
