आर्थिक सञ्जाल चैत्र १६,२०७६ आइतबार

सुर्खेत ।   बीरेन्द्रनगर नगरपालिका-१० बाट अवैध लागूऔषध ब्राउन सुगर जस्तो देखिने धुलो पदार्थ करिब ४ सय ४० मिलिग्राम सहित २ जनालाई आइतबार प्रहरीले पक्राउ गरेको छ ।

पक्राउ पर्नेहरुमा सोही ठाउँ बस्नेहरु  रोशन थापा र प्रेमश्वर कार्की रहेका छन् । प्रहरी चौकी सुब्बाकुनाबाट खटिएको प्रहरीले स्कुटरलाई जाँच गर्ने क्रममा उक्त पदार्थ बरामद गरी स्कुटर चालक थापा र स्कुटरमा सवार कार्कीलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।