आइतबार टेकुको प्रयोगशालमा उनको स्वास्थ्य परीक्षण गर्दा कोरोना भाइरस पोजेटिभ देखा परेको हो । हाल उनको टेकु अस्पतालमा उपचार भइरहेको मन्त्रालयले जनाएको छ । स्वास्थ्य मन्त्री भानुभक्त ढकालले फ्रान्सबाट फर्केका नागरिकसँग भेटिएका अन्य व्यक्तिलाई क्वारेन्टाइनमा राखिएको जानकारी दिए ।यसअघि चीनबाट फर्किएका १ नेपालीमा कोरोना संक्रमण देखिएको थियो । तर उनी उपचारपछि घर फर्किसकेका छन् ।

त्यसो त मन्त्रालयले प्रेस सम्मेलन गर्नुभन्दा केही घण्टाअघि नै विश्व स्वास्थ्य संगठनको तथ्यांकमा नेपालमा २ जनामा कोरोना भाइरसको संक्रमण भेटिएको उल्लेख गरिएको थियो ।