आर्थिक सञ्जाल आइतबार,९ चैत्र २०७६

काठमाडौं । कोरोना भाइरसको विश्व माहामारी नियन्त्रण गर्न गोकर्णेश्वर नगरपालिका निकै सकृय भएको छ। यस नगरपालिकाले ८ नम्बर वडामा रहेको नेपाल मेडिकल कलेजसग गत चैत ७ गते एक सम्झौता गरि कोरोना भाइरसको उपचार गर्न ५ वटा आइसुलेसन वेडको व्यवस्था गत चैत ७ गते देखि नै गराएको छ।

सो अस्पतालले अस्पताल परिसर बाहिर नै ५ वटा आइसुलेसन वेडको व्यवस्था गरिएको छ । गो न पा ६ नारायणटारमा रहेको शंकरापुर अस्पतालमा पनि नगरपालिकाको अनुरोधमा अस्पतालले आज चैत ९ गतेदेखि कोरोना भाइरसको उपचारका लागि ५ वटा आइसुलेसन वेडको व्यवस्था गर्ने भएको छ ।

गोकर्णेश्वर नगरपालिकाले साझा स्वास्थ्य संस्थाबाट १० हजार थान मेडिकल साधारण माक्सको खरिद गर्न अडर गरिसकेको छ । त्यस्तै ९ वटै वडा कार्यालय र नगरपालिका कार्यालयमा आज चैत ९ गतेबाट कार्यालय प्रवेश गर्दा र बाहिर जादा अनिवार्य सावुन पानीले हात धुनु पर्ने व्यवस्था गरिएको छ । ग्याँस,नुन,चिनी, दाल चामल, तेल लगायतका दैनिक उपभोग्य वस्तुको कालोबजारी र मुल्य बृद्धि हुन नदिन नेपाली कांग्रेस महासमिति सदस्य दुर्गा बरालको नेतृत्वमा २४ सदस्यीय बजार अनुगमन समिति गठन गरि दैनिक बजार अनुगमन गरिरहेको छ ।

कुनै पनि व्यापारीले सामान लुकाएको वा बढी मुल्यलिई बिक्री गरेको पाइएमा बिधमान कानुन अनुसार कडा भन्दा कडा कारवाही गर्ने बराले बताएका छन् ।यसैबिच आज ९ गते गो न पा र का म न पा वडा नम्बर ६ का सबै पेट्रोल पम्प र नारायणटार, जोरपाटी, पिपलबोट,बौद्ध, टुसाल, चुच्चेपाटीका सबै पसलहरू, डिपाटमेन्ट स्टोरहरू खुला रहेको छ । सवारी साधनहरू हिजो अस्तिको भन्दा कम सञ्चालन भएका छन् ।

बौद्धनाथ स्तुपा परिसरमा दर्शन गर्ने भक्तजनहरू पहिलाको भन्दा निकै कम छन् । आधा कम मानिसहरूको भीडभाड रहेको छ, विदेशी पर्यटकहरू भने धेरै नै घटेका छन् ,फाट्टफुट्ट मात्र देखिन्छन्।

बौद्ध स्थित हयात रिजेन्सी होटल आज साँझवाट चार साताका लागि बन्द गरिने भएको छ । त्यहाँ ४-५ जना पाहुना होटलमा अझै रहेकाले हयात रिजेन्सी होटल बेलुका सम्म खल्ने बुझिन आएको छ ।