citizens life insurance long ad
stcnepal long ad
Himalayan bank
national life

काठमाडौंको सौन्दर्य बढाउन महानगरलाई प्रभु बैंकको साथ

Prabhu Insurance Long Ad
himalayan Everest Insurance long ad

आर्थिक सञ्जाल बुधबार, ५ चैत्र २०७६

काठमाडौँ । काठमाडौँ महानगरपालिका क्षेत्र भित्रका बढी भिडभाड हुने स्थानहरु जमल, रत्नपार्क, माइतीघर मण्डल लगायतका स्थानमा ‘ट्राफिक आइल्याण्ड’ बन्ने भएका छन् । यस क्षेत्रमा आयरल्याण्ड बनाउनका लागि दुई वाणिज्य बैंकहरुले सहयोग गर्ने भएका छन् ।

मंगलबार आयोजित कार्यक्रमका बीच प्रभु बैंक र काठमाडौं महानगरपालिकाले सम्झौता पत्रमा हस्ताक्षर गरेका छन् । मंगलबार नै महानगरले कृषि बिकास बैंकसमेत समझदारी पत्रमा हस्ताक्षर गरेको छ ।

प्रभु बैंककले तीन स्थानमा निर्माण गर्ने आइल्याण्डको सम्झौतामा महानगरका निमित्त प्रमुख प्रशासकीय अधिकृत राजेश्वर ज्ञवाली र बैंकका प्रमुख कार्यकारी अधिकृत अशोक शेरचनले सहमति पत्रमा हस्ताक्षर गरे ।

काठमाडौँ महानगरपालिकाले निजी क्षेत्रसँगै अन्य क्षेत्रसँग पनि साझेदारीमा यस्तो सम्झौता गरेसँगै सहरी सौन्दर्यीकरण र हरियाली प्रवद्र्धनमा थप टेवा पुग्ने देखिएको छ । काठमाडौँ महानगपालिकाका प्रमुख बिद्यासुन्दर शाक्यको रोहवरमा यी दुबै सम्झौतामा आजराष्ट्रिय सभा गृहमा हस्ताक्षर भएको हो ।

सम्झौता पत्रमा हस्ताक्षरपछि सम्वोधन गर्दै मेयर शाक्यले काठमाडौँ महानगरपालिका यस्ता विभिन्न स्थानमा ट्राफिक आइल्याण्ड आफैँ बनाउन सक्षम रहे पनि नीजि क्षेत्रलाई प्रोत्साहन गर्नका लागि यस्तो सम्झौता गरेको बताए ।

सम्झौतापत्रमा हस्ताक्षर गर्दै शेरचनले सामाजिक उत्तर दायित्व अन्तरगत नै महानगरसँग ट्राफिक आइल्याण्ड निर्माणका लागि सम्झौता गरेको बताए । त्यसैगरी माइतीघर मण्डला अघिल्तिरको बगैँचालाई अहिलेको डिजाइन नविग्रिने गरी सौन्दर्यीकरण र हरियाली प्रवद्र्धन गर्ने गरी कृषि बिकास बैंकसँग सम्झौता गरेको छ ।

सम्झौता बमोजिम बैंकले वडा २८ मा पर्ने रत्नपार्क, वडा २७ मा पर्ने जमलको आकाशे पुलमुनि र वडा १ मा पर्ने तीनधारा संस्कृत पाठशाला अघिका ट्राफिक आइल्याण्डमा बगैचा निर्माण गरेर हरियाली बनाउने, मर्मत सुधार, हेरचाह र आधुनिक पानीको फोहोरा निर्माण गर्नेछ ।

आउँदो ५ बर्षका लागि भएको सम्झौताबमोजिम आइल्याण्डको व्यवस्थापन गरेवापतको खर्च बैंक आफैंले व्यहोर्नेछ । आइल्याण्डमा बैंक र महानगरको परिचय झल्कने लोगो राखिनेछ । यसमा बिज्ञापन सामाग्री राखिने छैन । आपसी सहमतिमा राखिने डिजिटल बोर्डमा सन्देशमुलक सामाग्री मात्र राखिनेछ ।

त्यसैगरी माइतीघर मण्डलाको सौन्दर्यीकरण गर्ने सम्झौतापत्रमा महानगरकातर्फबाट ज्ञवाली र बैंकका तर्फबाट कायममुकायम उपमहाप्रबन्धक धु्रबचन्द्र गौत्तमले हस्ताक्षर गरेका थिए ।

सम्झौतापत्रमा हस्ताक्षरपछि बोल्दै कृषि विकास बैंकका का. मु. उपमहाप्रबन्धक गौत्तमले, महानगरले उपलब्ध गराएको डिजाईन अनुसार बगैंचा निर्माण गर्ने, बिरुवा रोप्ने, मौसमअनुसारका फूलका बोट र विरुवाहरु लगाउने, मर्मत सम्भार गर्ने, हेरचाह, रेखदेख गर्ने दायित्वलाई बैंकले पूरा गर्ने बताए ।

सम्झौताबमोजिम अहिले भइरहेको भौतिक संरचना वा डिजाइनमा कुनै फेरवदल नगरी आपसी सहमतिमा थप संरचनाहरु निर्माण गर्न सकिनेछ ।

आउँदो ५ बर्षका लागि गरिएको सम्झौताअनुसार मण्डला क्षेत्रको सौन्दर्य निर्माण र संरक्षण गर्दा हुने खर्च बैंक आफैंले व्यहोर्ने छ । उक्त क्षेत्रमा बैंकले बिद्युतीय माध्यमबाट आफ्नो सस्थाको पहिचान झल्कने किसिमको सामाग्री राख्न सक्नेछ । तर, यस्तो सामाग्री विज्ञापनमुलक हुनेछैन ।

राष्ट्रिय पर्वसँगै महानगरले अनुरोध गरेको अवस्थामा मण्डलालाई बहु प्रयोग गर्न सकिने छ भने यस वरिपरिका ट्राफिक आइल्याण्डहरुलाई कलात्मक ढङ्गबाट मर्मत गर्ने र सौन्र्दयकरण झल्काउन आवश्यक पर्ने फूल वोट विरुवा लगाउने काम बैंकले गर्नेछ ।

himalayan life insurance
igi long