आर्थिक सञ्जाल बुधबार, २१ फागुन २०७६
काठमाडौ, फागुन २० गते । बिभिन्न सञ्चार माध्यममा नेपाली कामदारका लागि अमेरिकामा जान आबेदन माग भएको भनने समाचारहरु आए पनि सो सुविधा अमेरिकामा बसोबास गरी रहेकाहरुका लागि मात्र भएको स्पष्ट पारिएको छ ।
यस अघि सो सुविधा विश्वको जुनसुकै कुनाबाट अनलाइन मार्फत भर्न सकिने भन्ने आसयको समाचार आए पनि त्यस किसिमले कानुनी परिवर्तन नभएको नेपाल स्थित अमेरिकी दूताबासले स्पष्ट पारेको छ । दूताबासले ‘एचवान बी’ भिसा बारे अमेरिकी कानुनमा कुनै पनि परिवर्तन नभएको बताएको छ । सो प्रावधान अनुसार अमेरिकामा रहेको व्यक्तिले वकिल मार्फत अवेदन गर्न सक्ने छन् ।